كتير بنقول ده خريج سجون

ابعده عنه ده اكيد مجنون

وبننسى أنه انسان حزين مهموم

ممكن يكون غلطان وممكن برئ مظلوم

بيقولوا السجن للجدعان

ياترى الواحد بيخرج منه انسان

قذارة غير ادمية

ومعاملة بطريقة همجية

لوقلنا معاملة حيوانات

يبقى ظلمنا الحيوانات

أل ايه السجن تهذيب واصلاح

مع ان الواحد بيخرج حيوان سفاح

خارج بشر مالي قلبه

وحقد ما في قبله

تلاقي الراجل داخل بمصيبة

خارج بعاهة مستديمة

اتعلم هناك معنى الادانة

وشرب من الذل و الاهانة

ويوم الافراج ده يوم افراح

والاغرب انه يوم احزان

وخوف بيملا قلوب الغلابة

يتحول المسجون لأسد مجنون

واحد يتحول لقاتل رهيب

والتاني مغتصب دانئ

و يكون الضحايا ملايين كتير

واحد يتقتل وطفلة بريئة حقها يغتصب

وفي الاخر نقول

أل ايه السجن بيربي النفوس

يا عيني عليك يا قلبي

ليه يا قلبي دايما بتجرح

و تقول أنك أنت أتجرحت؟

ليه طول عمرك بتظلم

وحاسس أنك اتظلمت؟

عشمت ناس كتير

وسبتلهم جرح كبير

يا ترى يا قلبي بتحب بجد

ولا متعرفش ايه هو الجد

صعبان علي يا قلبي

عذابك جوايا بيدوي

خوفي عليك بيكبر

وقلقي منك أكبر

تعبت يا قلبي من غيرتك

كفايايا تأنيب الضمير

أغفر و سامح يا قلبي

ما تشيلش جواك كتير

ما تسيبش الحقد يملاك

ولاالقسوة تتغلغل جواك

كتير الواحد بيحس انه في قمة سعادته

و كأن الدنيا حواليه بتتحكله

بيعيش اللحظة و يطير من الفرحة

و ينسى ان الدنيا غدارة

بتضحك على الواحد و تخليه في خسارة

الناس بقيت تخاف تحلم لا في لحظة حلمها يهرب

الضحك بقى حاجة صعبة

والخوف بقى دايما أقوى

بقينا خاييفين من بكرة

و أتعقدنا من الفرحة

و تلا قي الواحد دايما

يقول انا متشائم

واحد متشائم من شهر

و التاني من ساعة أو يوم

لا للدموع
ملهاش مكان تاني في عيوني
كتر البكا
على اللي خان دوب جفوني
كتر الآهآت
طول السعات زود شجوني
ودا لو عشان قلبه اللي خان
تحرم عليه دموع عيوني
لا للدموع
ولا لرجوع أبدا يا روحي
بعت اللي كان قلبك
وخان زود جروحي
قادر يا زمان تداوي الجروح
تنسى الآلآم
تنسى اللي كان
تنسى اللي خان
تنسى الندم...........
لا للدموع
و بلاش يا عيني تبكي عليه
قلبه و خان و باع الحنان
و ده كله ليه؟
بلاش يا عيني للدموع
دي خسارة فيه

انسان فاني و اناني

عايش عيشة غير عيشتة

لابس لبس غير لبسه

فاكر انه اذكى الناس... حاسس انه احلاهم

شايف ان الحياة احداث... ترضي طمعه و احلامه

قلبه بقى زي الحجر ولسانه بينزل مطر

كلامه كله انغام وحركاته كلها أوهام

الكل كان مخدوع فيه... شايفينه ملاك وبرئ

في لحظه انكشف المستور

واللي مستخبي بقى كله في نور

اتجنن اخينا وقال: ازاي يضيع مني الحال

جري على الناس و قال: ظهرلي ملاك وقاللي محال

قال ايه قاله دول اصحابك... اوعى تحولهم لاعدائك

يا شماتة الناس فيك... اوعى ده كبريائك ليك

والدنيا بتلف وبتدور

وكله بيبان حتى اللي بين السطور

وندور وسط الحروف... نلاقي اللي كان محذوف

واللي فاهم يقول انا فاهم

والغبي يقول يا هم ما يتلم

والدنيا يوم ليك ويوم عليك

يوم تخبيك في العتمة

ويوم تنشر مصايبك في النور

أمشي تاني و رحلها

خدها في حضنك ضمها

حاسة انك انت عشقتها

عارفة ان قلبك حبها

رغم انك انت جرحتها

رغم ظلمك لقلبها

ارجعلها و صون حبها
ماتخونش قلبي و قلبها

و كفاية وحدة ظلمتها

دي قلبها مش ملكها

و الذنب ده مش ذنبها

خواطر

في يوم كنت جالسة مع صديقاتي لاحظت فتاة الفرح يملأ و جهها, تضحك و تلعب, لكن عندما نظرت في عينيها رأيت حزن لا يفوقه حزن ذ هبت لأتكلم معها و أعرف ما بداخلها, لقد فتحت لي قلبها و قالت في ضجر:" اني فتاة تائهة لا أعلم أي شئ لا أعلم ان كان الانسان اللذي احببته كان يحبني بالفعل و هل كانت مشاعره صادقة تجاهي أم لا؟ كل ما أعرفه اني عندما طلبت منه الرحيل رحل دون ان يسأل عن السبب و كأنه كان ينتظر طلبي من زمن .اني لا أستطيع ان اكرهه و لا ان أستمرفي حبه فهو من علمني معنى الحب و كيف أشعر بالأمان, كنت أحبه رغم تصرفاته الغريبة , كان موضع حديثي دائما

فقد قدمت له كل الحب و هو لم يقدم لي سوى الكلام, و رغم هذا كنت احيا على كلامه

وكانت المفاجئة ما سمعته من احد معارفي انه يغازل أخريات كان يهوى أن يكون محاط بالفتيات, تحملت و دست على قلبي و لكن بعد وقت نفذ صبري و طلبت منه أن يتركني, ذهب في الحال و كأنها كانت أمنيته . كانت صدمتي الكبيرة ما سمعته عنه بعد ذلك كان يكذب علي في أشياء كثيرة و تصرفاته أمامي كانت تذعجني و لكني قررت ان اقف أمام قلبي و الان اني لست نادمة على قراري وطلبي لكنني نادمة على كل لحظة حب عشتها و كل حنان أعطيته له. اريد اجابه من احد لماذا أنا ؟؟؟؟؟؟؟؟؟؟
هل يمكن للوجه المبتسم أن يكون ورائه قلب حزين فقد الأمل في الحب و فقد الثقة في من حوله؟ من الممكن أن نستهتر بهذه الكلام و لكن اذا نظرنا اليه بقلبنا وجدنا قلب جريح انسان حزين كل من حوله يراه سعيد انسان لا يشعر به احد كثيرا ما تكون مشاكلنا صغيره مثل الخدوش و لكن اذا تركناها و لم نعالجها فقد تكبر و تزداد و لن نستطيع معالجتها.

دموعك مش هي النهاية
ده احنا لسة في البداية
لسة عذابك مش كفاية
ما خيانتك اصل الحكاية
و انت السبب
بتحبني؟ فين الدليل؟
خيانتك ليي و غدرك كتير
رغم عذابي و قلبي العليل
انسى.. رجوعي ليك شئ مستحيل
و انت السبب
انت اللي خنت انت اللي بعت انت السبب
سبتني..بعتني.. و رحت لسراب
يومها عرفت انك كذاب
خليك بقى دوق العذاب
ما انت السبب
ابعد بعيد و انسى الرجوع.. عايزني ارجع تاني ليه؟
بتحبني؟ طب رحت ليه و سبتني
خنت ليه و هجرتني
جرحتني هم انت ايه ؟
انت ناسي ولا ايه؟
ما انت السبب