سامحني.............

على كل كلمة قلتهالك

على كل لحظة عيشتهالك

على كل وقت قضينا فيه أحلى حكايات

على قلب تاه.. وبضعفي مات.. ونسي كل الذكرايات

سامح غباثي وصغر فهمي

سامح عيني اللي مش شايفاك.. وايدي اللي مش لمساك

انسى كل اللي فات وادفن حبك مع اللي مات

وقول خلاص.. اهو وقت كان.. فيه الحنان.. وادي الاوان.. بيقلي هان

عيش الحياة وشوفها صح.. واختار من تاني و قول غلط

غلط اني شفتك وفتحت قلبي وقلتله حب

انا ماستاهلش حزنك علي او لوم لاني في حبك ضعفت

حبيبي أرجوك سامحني

خلي قلبك جنب قلبي

.......أفهم كلامي و أسمع انيني

مرت علي ليالي و سنين

كان هدفي فيها انهي الحنين

انهي حبي اللي كان كبير

و اعيش حياتي و اشوف كتير

شوفت و قابلت..حزنت و فرحت

قلت خلاص اكيد نسيت

و بكرة جاي بحب جديد

قلت اجرب يمكن انجح

بقيت بشوفك دايما واسرح

بشوفك بقلبي في كل لحظة

وعقلي دايما بيقولي انسي

أصرخ و اقله انسى ايه

ده حب قلبي الاولاني

هو ماضي و كل ما لي

هو عمري واحتياجي

خلاف كبير بين قلبي وعقلي

دايما صراخ بيدوي في قلبي

عقلي بيرفض و قلبي بيضعف

قلت اجي و اجرب تاني

يمكن قلبي يرفض كمان أو عقلي يحن لزمان

رجعت و فضلت في نفس الحالة

خايفة تاني اقلك لأ

قلبي يضعف و يقول لأ

اشوف في عنيك نظرة بحبك

معاها نظرة عتاب و لوم

خايفة اكمل و اتعب و اضعف

خايفة من بكرة و من كل لحظة

مش عارفة بكرة هفضل معاك

ولا هرجع تاني انسى هواك

ارجوك سامحني او خد قرارك و قلي لأ انا مش هكمل